Юрӑпа ташӑ ансамблӗн сӑнӳкерчӗкӗ

Чӑваш патшалӑх юрӑпа ташӑ ансамблӗ кӗҫех Раҫҫейри хуласене гастрольпе тухса кайӗ. Ҫула вӑл «Чӑваш тӗнчи» театризациленӗ концерт программипе тухӗ.

Гастроль ака уйӑхӗн 21-мӗшӗнче Чӗмпӗр хулинче пуҫланӗ. Тепӗр кунне пултарулӑх коллективӗ асӑннӑ облаҫри Димитровград хулинче пулӗ.

Ака уйӑхӗн 23-мӗшӗнче ансамбль Чулхулари «Газ» культура ҫурчӗн сцени ҫине тухӗ. Тепӗр кунне, ака уйӑхӗн 24-мӗшӗнче, Пенза облаҫӗнчи Неверкино ялӗнче концерт кӑтартӗ. Ака уйӑхӗн 26-мӗшӗнче Хусанти куракансем Чӑваш Енри профессилле коллективӑн пултарулахӗпе киленӗҫ.

Сцена ҫине харӑсах 50 артист тухӗ, концерт вӑхӑтӗнче вӗсем 10 ытла тум ылмаштарса тӑхӑнӗҫ. Йышра тӗрлӗ конкурс лауреачӗсем, ят-сума тивӗҫнӗ ытти сцена ӑсти пулӗ.

#концертсем, #ансамбльсем, #Хусан, #Димитровград, #Пенза, #Чулхула, #Чӗмпӗр, #Неверкино, #артистсем, #гастроль