Чӑваш Енӗн Ӗҫ тата социаллӑ хӳтлӗх министерствинче ҫӗнӗ ҫын ӗҫе кӳлӗннӗ. Кунта сӑмах министрӑн ҫумӗ пирки пырать. Асӑннӑ вырӑн Лариса Арсентьева ӗҫрен пӑрахнӑ хыҫҫӑн пушанса юлнӑччӗ.
Ӗнер ҫав пукана Елена Шашкаровӑна шанса панӑ. Ҫак хӗрарӑм унччен Ҫӗнӗ Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрта директор пулса тӑрӑшнӑ.
Йышӑнӑва Министрсен Кабинечӗн Председателӗ Сергей Артамонов ӗнер алӑ пуснӑ, документа паян влаҫ органӗсен официаллӑ порталӗнче вырнаҫтарнӑ.