Ҫеҫпӗл ячӗллӗ вулавӑш пабликӗнчи сӑнӳкерчӗк

Чӑваш кӗнеке издательствинче Николай Агаковӑн «Хӗвел ӑшшиллӗ туйӑм» кӗнеки пичетленсе тухнӑ.

Николай Агакова Канаш тӑрӑхӗнче аван пӗлеҫҫӗ тесе хыпарланӑ Ҫеҫпӗл ячӗллӗ вулавӑшра. Унӑн калавӗсем, повеҫӗсем, очеркӗсем «Канаш ен» хаҫатра час-часах пичетленеҫҫӗ.

Ҫӗнӗ кӗнеке редакторӗ – Ольга Федорова, художникӗсем – Игорь Кугураков тата Наталия Орлова.

Кӗнекене аслӑ классенче вӗренекен шкул ачисем валли тесе кӑларнӑ.

Николай Михайлович 1955 ҫулхи авӑн уйӑхӗн 5-мӗшӗнче Канаш районӗнчи Шуркассинче ҫуралнӑ.

#кӗнекесем, #Кӗнеке издательстви, #ҫыравҫӑсем, #Канаш районӗ, #Шуркасси