«Контактри» сӑн

Чӑваш Ене паллӑ телеертӳҫӗ Юлия Барановская килни пирки пӗлтернӗччӗ . Вӑл нумай ачаллӑ ҫемьесемпе тӗл пулнӑ. Вӗсенчен пӗри — «Чӑваш Ен» ПТРК режиссерӗн Николай Семеновӑн ҫемйи. Тепри — сӑнӳкерчӗкри.

Кӗҫех вӗсем пирки ӳкернӗ сюжета Пӗрремӗш каналпа пыракан «Большие семьи большой страны» кӑларӑмра курма май пулӗ.

Юлия Барановская телеертӳҫӗ республика Пуҫлӑхӗпе Олег Николаевпа та тӗл пулнӑ, ачаллӑ ҫемьесене мӗнле пулӑшни пирки калаҫнӑ. Ҫавӑн пекех вӑл кӳлмекре уҫӑлса ҫӳренӗ, Раҫҫейӗн тӗрленӗ карттин музейӗпе паллашнӑ.

Телеертӳҫе Чӑваш Ен килӗшнӗ, кунта тепре килес шухӑш пуррине пӗлтернӗ.

#паллӑ ҫынсем, #ҫемьесем, #телекурав