Ҫемье архивӗнчи сӑн

Ҫӗнӗ Шупашкарти 57 ҫулти Светлана Хрулева «Амӑшӗ героиня» ята тивӗҫнӗ. Хушӑва РФ Президенчӗ Владимир Путин алӑ пуснӑ.

Светлана Васильевнӑпа Вячеслав Владимирович 13 ачана воспитани параҫҫӗ: 6 хӗр те 7 ывӑл. Чи кӗҫӗнни 2012 ҫулта ҫуралнӑ. Аслисем ҫемье ҫавӑрнӑ ӗнтӗ. Хрулевсен 15 мӑнук пур. Светлана Васильевна «Амӑшӗ-героиня» ята тивӗҫнипе пӗрле ҫемьене 1 миллион тенкӗ парӗҫ.

Сӑмах май, ҫак ята 2022 ҫултанпа параҫҫӗ. 10-мӗш ачи ҫулталӑк тултарсан, ытти ачи чӗрӗ-сывӑ пулсан амӑшӗ ҫак ята тивӗҫме пултарать.

#Ҫӗнӗ Шупашкар, #ҫемьесем, #чыславсем, #ачасем, #президент