Ҫамрӑк ӳнерҫӗ Ксения Кокель Шупашкарти Хевеш урамӗнчи 30-мӗш ҫурт ҫине ӳкернӗ муралпа Атӑлҫи федераци округӗнче иртекен стрит-арт конкурсне хутшӑннӑ. Унтан лайӑх хыпар ҫитнӗ: вӑл 2-мӗш вырӑн йышӑннӑ.

Аса илтерер: Ксения ҫурт стени ҫине «Манӑн кил – манӑн крепоҫ» ӗҫе пурнӑҫланӑ. Унта чӑваш хӗрарӑмне сӑнланӑ. Унпа вӑл «ФормART» конкурса хутшӑннӑ.

Пӗрремӗш вырӑна Чӗмпӗр облаҫӗнчи Марат Петров тивӗҫнӗ. Виҫҫӗмӗш вырӑна Саратов облаҫӗнчи Юлия Чиженькова йышӑннӑ. Ҫӗнтерӳҫӗсене хӑйсен пултарулӑхне аталантарма грант параҫҫӗ. Ксения Кокель 150 пин тенке тивӗҫнӗ.

#культура, #конкурссем, #ӳнерҫӗсем, #грантсем