Инкеклӗ лару-тӑру министерстви тунӑ сӑн

Шыв кӗмелли сезон пуҫланчӗ кӑна – республикӑра пӗр ҫын путса вилнӗ. Ку инкек ҫӗртме уйӑхӗн 4-мӗшӗнче 16 сехетре Етерне хули патӗнче пулнӑ.

44 ҫулти арҫын, Стрелецки ялӗнче пурӑннӑскер, тусӗсемпе Сӑр юханшывӗ хӗрринче каннӑ. Хайхискер шыва кӗме шутланӑ. Вырӑнӗ ятарласа уйӑрни пулман. Ҫитменнине, хӑй те ӳсӗр пулнӑ. Унӑн виллине водолазсем ҫав каҫхине ҫыран хӗррине кӑларнӑ.

Палӑртмалла: ҫулталӑк пуҫланнӑранпа республикӑра шывра 3 ҫын вилнӗ, 1 ҫынна ҫӑлма май килнӗ.

#пӑтӑрмахсем, #Сӑр, #Етӗрне