t.me/chuvashenkalasat каналта вырнаҫтарнӑ сӑнӳкерчӗк

Чӑваш Енре пурӑнакан пултаруллӑ та хастар хӗрарӑмсем конкурса хутшӑнӗҫ.

«Эпӗ – хӗрарӑм» конкурса Чӑваш Енри хӗрарӑмсен пӗрлешӗвӗ тата «Пӗрле» аталанӑвӑн фончӗ йӗркелет. Ӑна пӗрремӗш хут 2021-мӗш ҫулта ирттернӗ.

Телеграмри «Чӑваш Ен калаҫать» каналта пӗлтернӗ тӑрӑх, ӑмӑртӑва хутшӑнас тесен видеоролик хатӗрлемелле. «Унта хӑйсем, ҫемье, ӗҫ, ҫитӗнӳсем ҫинчен каласа кӑтартмалла. Халӑхшӑн тӑрӑшнине, ырӑлӑх пуҫарӑвӗсене хутшӑннине палӑртмалла», — тесе пӗлтернӗ маларах асӑннӑ ҫӑлкуҫра.

#пултарулӑх, #конкурссем