Ӗнер республикӑра нормӑран 4,5 градус сивӗрех пулнӑ. Паян ӑшӑ циклон ҫывхарнӑ, паян-ыран юр ҫукалӗ.

Малалла сивӗтӗ. Синоптиксем пӗлтернӗ тӑрӑх, нумайлӑха мар. Паян-ыран 8-13 градус сивӗ тӑрӗ, юнкун – 13-18 градус, кӗҫнерникун – 18-23 градус. Эрнекунран пуҫласа пирӗн патра ҫурҫӗр антициклонӗ хуҫаланӗ. Уяр ҫанталӑк тӑрӗ, сывлӑш температури 25-30 градус таран сивӗнӗ.

Чи сивӗ кунсем канмалли кунсенче пулӗҫ. Тунтикунран ӑшӑ килме пуҫлӗ. Раштавӑн 13-мӗшӗнче 10 градус сивӗ тӑрӗ. Уйӑх варринче йӗпе юр ҫума пултарать.

#ҫутҫанталӑк, #синоптиксем