Ку эрнере, синоптиксем пӗлтернӗ тӑрӑх, ҫу уйӑхӗнчи пек ӑшӑ ҫанталӑк тӑрӗ. Паян 20 градус таранах ӑшӑ. Ырантан вара ӑмӑр ҫанталӑк пуҫланать. Пирӗн пата циклон килет. Чи малтан ӑна кӑнтӑр районӗсенче пурӑнакансем туйӗҫ. Ыран каҫ енне ҫумӑр ҫума пуҫлӗ. Шупашкарта ытлах ҫумӗ, кӑштах сивӗтӗ кӑна.

Ытларикун каҫхине вӑйлах ҫӑвӗ. Юнкун кӑнтӑрла вара хушӑран чашлаттарӗ. Пӗрремӗш хутчен аслати авӑтма пултарать. Ҫил вӑйланӗ, ҫеккунтра 18 метр хӑвӑртлӑхпа вӗрме пултарӗ. 15-16 градус ӑшӑ пулӗ.

Кӗҫнерникун та ҫиллӗ пулӗ, ҫумӑр ҫума чарӑнӗ. Эрнекун 20-25 градус таран ӑшӑтӗ. Анчах ҫил лӑпланмӗ-ха. Каҫ енне ҫумӑр ҫукаласа илӗ.

Вырсарникун уяртӗ. Анчах ҫил ҫурҫӗр-хӗвеланӑҫ енчен вӗрнӗрен кӑштах сивӗрех пулӗ.

#ҫутҫанталӑк, #синоптиксем