chuvashia.sledcom.ru сӑнӳкерчӗкӗ

Йӗпреҫ районӗнчи Буинск ялӗнче 47 ҫулти арҫынна пӗрле пурӑнакан хӗрарӑма хӗнесе вӗлернӗшӗн суд тенкелӗ ҫине лартӗҫ. Ун тӗлӗшпе РФ Пуҫиле кодексӗн 111-мӗш статйин 4-мӗш пайӗпе маларах пуҫарнӑ пуҫиле ӗҫе тӗпчесе пӗтерсе суда ярса панӑ.

Пӗлтӗрхи чӳк уйӑхӗн 10-11-мӗшӗсенче арҫын пӗрле пурӑннӑ, хӑйӗнчен виҫӗ ҫул аслӑрах хӗрарӑма кӗвӗҫнипе хӗненӗ. Ӳсӗрскер хӗрарӑма кӗленчепе те ҫапса пӗтернӗ.

Йывӑр суранланнӑ хӗрарӑм тепӗр кунхине куҫне ӗмӗрлӗхе хупнӑ.

#Йӗпреҫ районӗ, #пӑтӑрмахсем, #ӳсӗрсем, #пуҫиле ӗҫсем, #Буинск