t.me/gibdd121 сӑнӳкерчӗкӗ

Раштав уйӑхӗн 9-мӗшӗнче Комсомольски районӗнче ҫул ҫинчи инкекре пилӗк ҫын аманнӑ.

Инкек 14 сехетре «А-151» ҫул ҫинче пулса иртнӗ. Ҫул-йӗр инспекторӗсем малтанласа шухӑшланӑ тӑрӑх, Чӑваш Элпуҫ ялӗ тӗлӗнче «Опель» машина умра пыракан автомобильтен иртсе кайма хӑтланнӑ. Ҫавӑн чухне вӑл «Чери Тииго» автомобильпе пырса ҫапӑннӑ.

Инкекре икӗ машинӑри водитель те аманнӑ. Унсӑр пуҫне салонти пассажирсем, пурӑ 3 ҫын, ҫав шутра — 6 ҫулти хӗрача, шар курнӑ. Вӗсене пульницӑна ӑсатнӑ.

#ҫул-йӗр, #Чӑваш Элпуҫ, #Комсомольски районӗ, #инкексем, #машинӑсем, #сывлӑх