Пӗлтӗр Чӑваш Енри министрсенчен пуринчен ытла ӗҫлесе илни — экономика аталанӑвӗн тата пурлӑх хутшӑнӑвӗсен министрӗ Дмитрий Краснов. Ҫулталӑкри унӑн тупӑшӗ малтанхинчен 28 хут ӳссе 32,184 млн тенкӗпе танлашнӑ.

Транспорт министрӗн Владимир Осиповӑн тупӑшӗ 3,88 хут ӳссе унчченхи 2,9 миллионран 11,26 млн тенке ҫитнӗ. Промышленность министрӗн Александр Кондратьевӑн 2021 ҫулхи тупӑшӗ — 8,61 миллион тенкӗ; финанс министрӗн – 7,762 миллион; строительство, архитектура тата ҫурт-йӗрпе коммуналлӑ хуҫалӑх министрӗн Павел Даниловӑн — 6,716 миллион тенкӗ; ӗҫ тата социаллӑ хӳтлӗх министрӗн Алена Елизарован — 3,431 миллион; ял хуҫалӑх министрӗн Сергей Артамоновӑн – 3,226 миллион; цифра аталанӑвӗн министрӗн Кристина Майнинан – 3,07 миллион; сывлӑх сыхлав министрӗн Владимир Степановӑн – 3,063 миллион; спорт мнистрӗн Василий Петровӑн – 2,744 миллион; культура министрӗн Светлана Каликован – 2,627 миллион; ҫутҫанталӑк тата экологи министрӗн Эмир Бедертдиновӑн – 2,31 миллион тенкӗ.

Пӗлтӗр пуринчен сахал ӗҫлесе илни — ведомствӑна 2021 ҫулхи авӑн уйӑхӗн вӗҫӗнчен ертсе пыракан вӗренӳ министрӗ Дмитрий Захаров. Унӑн тупӑшӗ 1,583 миллион тенкӗпе танлашнӑ.

Республика Элтеперӗ Олег Николаев пӗлтӗр 5 миллион та 896 пин тенкӗ ӗҫлесе илнине, унӑн тупӑшӗ виҫӗмҫулхинчен 350 пин тенкӗ ӳснине Чӑваш халӑх сайчӗ пӗлтернӗччӗ.

#тупӑшсем, #укҫа-тенкӗ, #тӳре-шара