chuvashia.sledcom.ru сӑнӳкерчӗкӗ

Шупашкар хулинче 41 ҫулти арҫын тӗлӗшпе пуҫиле ӗҫ пуҫарнӑ. Вӑл такама тапса-ҫапса пӗтермен, ҫынна та ҫаратман, вӑрӑ ӗҫӗпе те аппаланман, машинӑпа ҫын ҫине те пырса кӗмен. Хӑйӗн ячӗпе организаци уҫнӑ.

Ҫынсене усламҫӑ пулма та, предприяти-организаци уҫма та чаракан ҫук-ха. Анчах хайхи этем организацие суйса уҫнӑ. Ӑна пӗрисем ҫапла тума ыйтнӑ та, вӑл килӗшнӗ. Ахаль мар, паллах. Хайхине укҫалла тав тума калаҫса татӑлнӑ.

Ҫапла вара ҫӗнӗ организацие Патшалӑхӑн пӗрлехи реестрне кӗртнӗ, налук учетне тӑратнӑ. 41 ҫулти арҫын суя учредитель тата ертӳҫӗ пулса тӑнӑ.

#пуҫиле ӗҫсем, #укҫа-тенкӗ, #пӑтӑрмахсем, #яваплӑх