forum.zarulem.ws сӑнӳкерчӗкӗ

Иртсе кайнӑ кунсенче, пуш уйӑхӗн 5-8-мӗшӗсенче, Чӑваш Енри ҫул-йӗр ҫинче ӳсӗр 70 водителе тытса чарнӑ. Ӗҫме арҫынсем ҫеҫ мар, хӗрарӑмсем те кӑмӑллаҫҫӗ. Ҫапла пӗтӗмлетме статистика хистет. Ара, ӳсӗр 70 водительтен 6-шӗ хӗрарӑмсем пулнӑ. Ӳсӗрпе тепӗр хутчен ҫакланнисем те пур. Ун пеккисем — улттӑн.

Водитель прави ҫуккисем те руль умне ларса тухаҫҫӗ иккен. Канмалли кунсенче ун пеккисем 33-ӗн ҫакланнӑ.

Иртсе кайнӑ кунсенче ҫул-йӗр правилине тӗрлӗ майпа пӑснӑ 1668 тӗслӗхе шута илнӗ.

#статистика, #ӳсӗрсем, #водительсем, #машинӑсем