Паян, ҫӗртме уйӑхӗн 21-мӗшӗнчи ирхине, Шупашкарта ҫул ҫинче инкек пулса иртнӗ. Хулари Трактор тӑвакансен проспектӗнче, Гастелло урамӗнчен инҫех мар, «Chevrolet Lacetti» автомобиль «Гранта» автомашина ҫине пырса кӗнӗ.

Ют ҫӗршывра туса кӑларнӑ машинӑран виҫҫӗн сиксе тухнӑ, вӗсем пӑтӑрмах вырӑнӗнчен тапса сикнӗ. «Гранта» водителӗ вӗсене хӑваласа тытас темен. Кӗтмен ҫӗртен инкеке ҫакланнӑран тата машинӑри ҫынсем тухса тарасса кӗтменрен вӑл хӑй те аптӑраса кайнӑ курӑнать.

Пырса ҫапӑнакан машинӑран виҫҫӗн тухса тарнине асӑрхакан тупӑннӑ. Инкеке вӑл чӳречерен ӳкерсе илнӗ.

#пӑтӑрмахсем, #инкексем, #ҫул-йӗр, #Шупашкар, #машинӑсем