amp.akcenty.com.ua сӑнӳкерчӗкӗ

Чӑваш Ен ҫыннисене урамра уҫӑлса ҫӳреме тата урама велосипедпа ярӑнма, чупма тухма ирӗк парасшӑн. Ҫакӑн пирки Чӑваш Ен Элтеперӗн тивӗҫӗсене вӑхӑтлӑх пурнӑҫлакан Олег Николаев Правительство ҫуртӗнче паян ирттернӗ канашлура каланӑ.

Кӑшӑлвируса пула йышӑннӑ мерӑсене, Олег Николаев шухӑшланӑ тӑрӑх, ылмаштарма юрать.

«Специалистсем каланӑ тӑрӑх, хускану иммунитета вӑйлатма пулӑшать»,– тенӗ Чӑваш Ен ертӳҫи.

Хӑрушсӑрлӑх мерисене ҫапах та пӑрахӑҫламӗҫ. Халӑх йышлӑ ҫӳрекен вырӑнсенче: суту-илӳ точкисенче, общество транспортӗнче, медиина учрежденийӗсенче – тата ытти ҫавӑн пек ҫӗрте маска тӑхӑнмалла.

#кӑшӑлвирус, #Элтепер, #сывлӑх, #хӑрушсӑрлӑх