sochistream.ru сӑнӳкерчӗкӗ

Чӑваш Енре почтальона киле чӗнсе илме пулать. Почта социаллӑ тӳлеве тата пенсие киле ҫитерсе панине пӗлетпӗр-ха.

Почтальонсем урлӑ пирӗн республикӑра 100 пин ытла ҫын пенси илсе тӑрать. Вӗсенчен пысӑк пайӗ, 30 пин ҫын, Шупашкарпа Ҫӗнӗ Шупашкар хулисенче пурӑнать. Вӗсенчен хӑшӗсем пенси илме почта уйрӑмӗсене каяҫҫӗ. Халӗ коронавирус пирки текех калаҫҫӗ те, инфекци чирӗ лекесрен почтальонсене киле чӗнсе илме сӗнеҫҫӗ. Почтальон киле пырсан газшӑн, ҫутӑшӑн тата ытти тӳлевшӗн те татӑлма май пур. Посылкӑсене, хаҫат-журнала та вӗсем киле ҫитерсе параяҫҫӗ.

Почтальона киле чӗнсе илес тесен Федерацин почта ҫыхӑнӑвӗн Чӑваш Енри управленине (8 8352) 63-62-12 телефон номерӗпе талӑкӗпех шӑнкӑравлама май пур.

#Шупашкар, #пенсионерсем, #ваттисем, #пулӑшу, #почта, #Ҫӗнӗ Шупашкар