Ыран, кӑрлач уйӑхӗн 18-мӗшӗнче, Шупашкарти пульницӑсенче Уҫӑ алӑксен кунӗ иртӗ.

Республикӑн клиника пульницин консультаци поликлиникинче (вӑл Мускав проспектӗнчи 11-мӗш ҫуртра вырнаҫнӑ) поликлиника заведующийӗ — Пимен Иванов врач-уролог, Татьяна Воробьёва гематолог, Тамара Григорьева ревматолог тата Анна Никифорова гастроэнтеролог йышӑнӗ. Консультаципе диагностика центрӗнче (Мускав проспекчӗ, 19/4-мӗш ҫурт) Екатерина Сидякина терапевт, Галина Россейкина невролог-эпилептолог, Оксана Петрова гастроэнтеролог йышӑнӗҫ.

Республикӑн кардиологи диспансерӗнче пациентсене 8 сехетрен 13 сехетчен пулӑшӗҫ. Ыран чӗрепе юн тымарӗсен хирургӗ те йышӑнӗ. (8352) 70-95-90 телефон номерӗпе регистратурӑна шӑнкӑравласа ҫырӑнма кая юлман-ха.

Республикӑн наркологи диспансерӗ те ыран Уҫӑ алӑксен кунне ирттерет. Наркологсемпе психологсем сиенлӗ йӑларан хӑпма сӗнӳ-канашпа пулӑшӗҫ. Тухтӑрсем Пирогов урамӗнчи 6-мӗш уртра (тел. 23-41-68), Ленин проспектӗнчи 25-мӗш ҫуртра (тел. 62-63-63), Ҫӗнӗ Шупашкарти Коммунистсен урамӗнчи 27-мӗш ҫуртра (тел. 73-29-83), Ҫӗмӗрлери МОПР урамӗнчи 6-мӗш ҫуртра (тел. (83536) 2-14-30) 8 сехетрен тытӑнса 14 сехетчен йышӑнӗҫ. Ачасем сиенлӗ йӑли-йӗрке туслашнипе ҫыхӑннӑ ыйтупа

Шупашкарти Ленин проспектӗнчи 25-мӗш ҫурта (тел. 62-63-63) ҫитсе килме пулать.

#Сывлӑх сыхлав министерстви, #пульницӑсем, #тухтӑрсем, #сывлӑх