«Про Город» редакцине видео ҫитнӗ. Унта кушак аҫине хӑйӑр ӑшне чавса чикнине ӳкернӗ. Малтанлӑха пӗлтернӗ тӑрӑх, видеона 6-7 ҫулсенчи хӗрача ӳкернӗ, ӑна хӑй ҫулӗсенчи тусӗ, арҫын ача, пулӑшнӑ.

Ачасем хӑйӑр ҫинче вылянӑ. Кушак аҫине мӑйӗ таран хӑйӑр ӑшне чавса чикнӗ. Хӗрача ӑна хӑйӑрпа сапсах тӑнӑ. Юлашкинчен пӗчӗкскер чӗрчунӑн пуҫӗ ҫине вылямалли машина тӑхӑнтартнӑ.

Ача видеона халӑх тетелӗнчи хӑйӗн подписчикӗсем валли ӳкернӗ. Вӑл куншан «лайк» лартма, хӑйӗн страницине ҫырӑнма ыйтнӑ.

Ҫак ачан ашшӗ-амӑшне тупса палӑртайман-ха. Ачине тивӗҫлӗ воспитани паманшӑн вӗсене штраф тӳлеттерме пултараҫҫӗ.

#ачасем