Паян, нарӑс уйӑхӗн 21-мӗшӗнче, Раҫҫей Федерацийӗн Следстви комитечӗн республикӑри управленийӗнче ҫӗнӗ пуҫлӑхпа паллаштарнӑ. Кун пирки нарӑс уйӑхӗн 9-мӗшӗнче РФ Президенчӗ хушу кӑларнӑ.

Чӑваш халӑх сайтне вулакансене ку хыпара РФ Следстви комитечӗн республикӑри управленийӗн пуҫлӑхӗ ылмашмаллине унчченех пӗлтернӗччӗ-ха.

Чӑваш Енри тӗпчевҫӗсен пуҫлӑхӗ пулма Александр Полтинин юстицин генерал-майорне ҫирӗплетнӗ.

2011 ҫултанпа Александр Полтинин РФ Следстви комитечӗн транспорт енӗпе ӗҫлекен Атӑлҫи следстви управленине ертсе пынӑ.

РФ Следстви комитечӗн Чӑваш Енри управлениӗн пуҫлӑхӗнче 10 ҫул ытла тӑрӑшнӑ Александр Мигушов малашне Мари Элта ӗҫлеме пуҫласси ҫинчен сӑмах ҫӳрет.

#ӗҫ вырӑнӗсем, #тӗпчевҫӗсем, #тӳре-шара, #Мари Эл