Чӑваш Енри спортсмен Польшӑра иртекен Пӗтӗм тӗнчери вӑйӑсене хутшӑнма тивӗҫ пулнине Чӑваш халӑх сайтӗнче пӗлтернӗччӗ. Чикӗ леш енчен ырӑ хыпар килнӗ. Пирӗн ентеш ӑмӑртура чи лайӑххи пулнӑ.

Тупӑшӑва 111 ҫӗршыври 3,5 пин атлет хутшӑннӑ. Вӗсен йышӗнче Алексей Германов ылтӑн медаль ҫӗнсе илнӗ. Вӑл Раҫҫейӗн пӗрлештернӗ командин йышӗнче ӑмӑртнӑ.

Кунсӑр пуҫне гимнаст тепӗр номинацире вӑй виҫнӗ. Унта вӑл пиллекмӗш вырӑн йышӑннӑ.

Алексей Германов тӑван тӑрӑха таврӑнсан та канаймасть. Унӑн Европа чемпионатне хатӗрленмелле. Вӑл вара Италире иртӗ.

#Европа чемпионачӗ, #гимнастика, #спорт, #ӑмӑртусем