Допинг харкашӑвне пула Шупашкарта хӑвӑрт утас енӗпе тӗнче чемпионатне ирттермӗҫ. Ку тивӗҫе Китайри Тайцан хулине шаннӑ.

Тӗнче чемпионачӗ 2018 ҫулта иртӗ. Пӗтӗм тӗнчери ҫӑмӑл атлетика федерацийӗсен ассоциацийӗ чемпионата Тайцан хулинче йӗркелеме йышӑннӑ. Ку хула — пӗртен-пӗр кандидат.

Малтан чемпионата Шупашкарта ирттерме палӑртнӑ. Анчах ҫурла уйӑхӗнче йышӑнӑва улӑштарнӑ. Йӑлтах — допинг харкашӑвне пула. Сӑмах май, хӑвӑрт утас енӗпе командӑсен чемпионачӗ Шупашкарта кӑҫал иртмеллеччӗ. Анчах ӑмӑртӑва Рима ирттерме шаннӑ.

#спорт, #хӑвӑрт утасси, #тӗнче чемпионачӗ, #Шупашкар, #Китай, #Тайцан