Унччен полицире ӗҫленӗ арҫын суд сакки ҫине ларӗ. Ӑна арӑмне хӗненӗшӗн айӑпласшӑн.
РФ Следстви комитечӗн Чӑваш Енри следстви управленийӗн пресс-служби пӗлтернӗ тӑрӑх, Муркаш районӗнче пурӑнакан 24 ҫулти арҫын кӑҫал кӑрлач, нарӑс тата пуш уйӑхӗсенче тата пӗлтӗрхи нарӑс уйӑхӗнче арӑмне темиҫе хут та хӗненӗ. Палӑртмалла: пӗлтӗрхи нарӑсра тата кӑҫалхи пуш уйӑхӗнче хӗрарӑм ача кӗтнӗ.
Арӑмӗ кун пирки йӗрке хуралне пӗлтерсен кӑҫал пуш уйӑхӗнче упӑшкине полицирен кӑларса янӑ. Арҫын тӗлӗшпе пуҫиле ӗҫ пуҫарнӑ. Халӗ ӑна следовательсем тишкерсе пӗтернӗ, ӑна кӗҫех суд пӑхса тухӗ.