Раккасси

Валентин Урдаш | Сăвă | Раккасси | 550


(халăх юрри майлă)

— Кĕмĕл-ши эс, Раккасси,

Ылтăн-ши эс, Раккасси,

Хĕртсе хĕвел пăхнă чухне

Ылтăн пуль эс, Раккасси.

 

Сала-ши эс, Раккасси,

Хула-ши эс, Раккасси,

Ялăмăрсем ӳснĕ чухне

Хула пуль эс, Раккасси.

 

Çеçке-ши эс, Раккасси,

Çырла-ши эс, Раккасси,

Садăмăрсем чечен чухне

Çеçке пуль эс, Раккасси.

 

Çăтмах-ши эс, Раккасси,

Юмах-ши эс, Раккасси,

Тус-тăванпа пĕрле чухне

Çăтмах пуль эс, Раккасси.

 

Сăвă-ши эс, Раккасси,

Кĕвĕ-ши эс, Раккасси,

Юррăмăрсем юхнă чухне,

Юрă пуль эс, Раккасси.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: