Алексей Андриянович Афанасьев 1925 çулхи юпа уйăхĕн 19-мĕшĕнче Тутарстанри Павлă районĕнчи Тăмпарлă ялĕнче учитель кил-йышĕнче çуралнă. 1942 çулта вăтам шкултан вĕренсе тухнă.
1943-1945 çулсенче поэт Совет Çарĕнче пулнă. Ун хыççăн шкулта ĕçленĕ, кайран Пĕкĕлмери учительсем хатĕрлекен институтра вĕреннĕ. 1951-1960 çулсенче Павлă районĕнчи «Знамя» хаçат редакцийĕнче ĕçленĕ — редактор заместителĕ, кайран редактор пулнă. 1960 çулта вăл каллех учитель ĕçне куçнă.
А.Афанасьева III степеньлĕ Мухтав орденĕпе, медальсемпе, Тутар АССР Верховнăй Совет Президиумĕн Хисеп грамотипе тата «Халăха вĕрентес ĕç отличникĕ» паллăпа наградăланă.
Çырас ĕçе вăл ача чухнех тытăннă. Унăн малтанхи сăввисем «Пионер сасси» хаçатпа «Хатĕр пул» журналта пичетлвннĕ. Юлашки çулсенче вăл драматурги жанрĕпе те чылай ĕçленĕ.
Писателĕн çакăн пек кĕнекесем тухнă: «Телей уççи» (сăвăлла юмах, 1944, 1965), «Хура ылтăн» (сăвăсем, 1957), «Сăвăсем» (1959), «Туслăхпа юрату» (сăвăсемпе поэмăсем, 1963), «Пирĕн интернат» (поэма, 1965), «Çĕршывăма мухтав!» (сăвăсем, 1969).
А.Афанасьев 1985 çулта вилнĕ.
Шухăшсем
Мама ак çак произведени килешрĕ
Пĕчĕк калаврах пĕтĕм пурнăç ...
Шухăшсем уйрăма спамсем те тултараççĕ ку...
Чылай пулманччĕ капла шухăшлаттаракан, к...
Хыçалтан вулама пуçласа пăх-ха тепринче
Вĕсем вăхăтлăха кăна...
Тĕрĕс калатăр Галина З...
Кунта реклама кĕрсе кайнă, укçа туса илм...
Митюк, куçне автан çинчен илмесĕр, ашшĕ ...
Пĕрремĕш йĕркесенченех паллă пулчĕ калав...