Йӑнӑш кайнине асӑрханӑран (Татьяна пӗлтерчӗ) тӗнче тетелӗнче иртнӗ литература ӑмӑртӑвӗн пӗтӗмлетӗвне улшӑнусем кӗртме тиврӗ.

Галина Енейкина, __Елчĕк районĕнчи|Елчӗк районӗнчи__ __Патраккел__ шкулӗн чӑваш чӗлхипе литературине ачасене ӑса хывтаракан ӑнсӑртран 7-мӗш класс вӗренекенӗ пулса тӑнӑ иккен. Ку тӗрӗсмарлӑха тӳрлетнӗ хыҫҫӑн 6-7 классенчи сӑвӑҫсем хушшинче вырӑнсем ҫапла йӗркеленчӗҫ:

**• 1-мӗш вырӑн**: Анна Данилова ҫырнӑ «Ҫутӑ кӳлӗ» сӑвӑ. Елчӗк районӗ, __Елчĕкри|Елчӗкри__ пӗтӗмӗшле пӗлӳ паракан вӑтам шкул (пӗлтӗр те вӑлах мала тухнӑччӗ).

**• 2-мӗш вырӑн**: Александра Афанасьева ҫырнӑ «Асамлӑ ҫӑлкуҫ» сӑвӑ. Вӑл вара __Элĕк районĕнчен|Элӗк районӗнчен__, __Вутлан__ шкулӗнчен.

**• 3-мӗш вырӑн**: Даша Ильина ҫырнӑ «Атӑлҫи Аттил авланнӑ...» сӑвӑ. Вӑл __Сĕнтĕрвăрри|Сӗнтӗрвӑрри__ шкулӗнчен.

Галина Леонидовна хайлавӗ вара, унта фантастика сӗмӗ сахал палӑрнӑран, вырӑнсӑр юлчӗ.

Маларах вырнаҫтарма вӑхӑт пулмарӗ — пӗтӗмлетӳ таблицине эсир __http://docme.ru/Rra|**КУНТА**__ (pdf) тупайратӑр.

Ытти ыйтусем ҫине хуравланӑ май ҫакна палӑртас килет: пирӗн ӑмӑрту тем тесен те фантастикӑпа фэнтези конкурсӗ. Вӗсем пулмасан эпир вырӑн паракан марччӗ. Кӑҫалхи ӑмӑртура вара ни фантастики, ни фэнтези ҫук пулин те хӑш-пӗр хайлавсем мала тухрӗҫ. Салтавӗ — хайлавсем сахал пулнӑран. Вырӑнсем ытларах памалли пирки те сӑмах пулчӗ — кашнине вырӑн парсан «ӑмӑрту» сӑмахран пирӗн мӗн юлӗ? Тивӗҫлисем пирӗн шутпа вырӑнсӑр юлман.

Малтанхи ҫулсенче эп __/lib|вулавӑшра__ кашни хайлава хак парса тухма тӑрӑшаттӑм. Кӑҫал вара, сервер пӑтӑрмахӗ ӑнсӑртран сиксе тухнӑран, унашкал тума май пулмарӗ. Анчах пурне те тивӗҫлипе хаклама тӑрӑшса.

Литература ӑмӑртӑвӗ чылай вӑхӑт илет пулин те ачасемпе вӗрентекенсемшӗн вӑл кирлех. Эпир ӑна, йӑлана кӗнӗскере, малашне те ирттерме шутлатпӑр. 2012 ҫулта сире фантастикӑлла ҫӗнӗ конкурс кӗтӗ — хутшӑнмасӑр ан юлӑр. Эсир хутшӑнни пире хавхалантарать — хайлавсене кӗнекен кӑларма хистет.