Улатӑрти 2-мӗш колонире Чӑваш Енри усламҫӑсен правине хӳтӗлес енӗпе ӗҫлекен уполномоченнӑйӗ Александр Рыбаков тата омбудсмен аппарачӗн ертӳҫи Сергей Тихонов пулнӑ.
Унта вӗсем хӑй вӑхӑтӗнче усламҫӑ ӗҫӗпе тӑрӑшнӑ виҫӗ хӗрарӑмпа тӗл пулнӑ. Ҫавсем усламҫӑлӑх енӗпе преступлени тунӑ. Вӗсене Раҫҫейӗн Пуҫиле кодексӗн 159-мӗш статйин 4-мӗш пайӗпе килӗшӳллӗн явап тыттарнӑ.
Айӑплава колонире ирттерекен хӗрарӑмсем тӗрме администрацийӗ пирки евитлемен. Условлӑ майпа кӑшт маларах тухма е айӑплав вӑхӑтне ҫемӗҫтерме май ҫук-ши тесе кӑсӑкланнӑ.
Усламҫӑсен обмудсменӗ мӗнпур ыйтӑва уҫӑмлатма пулӑшнӑ.
Шупашкарти 1-мӗш номерлӗ колонире ӗҫлекенсем учреждение карас телефонӗсем пама хӑтланнӑ ҫынна тытса чарнӑ. Колонире тӑрӑшакансем тӗрме ҫывӑхӗнче пӗр арҫынна асӑрханӑ. Вӑл квадракоптер пулӑшнипе хӳме урлӑ телефонсем каҫарас тенӗ.
Федерацин айӑплава пурнӑҫа кӗртес енӗпе ӗҫлекен службин Чӑваш Енри управленийӗнче пӗлтернӗ тӑрӑх, арҫыннӑн вӗҫекен аппаратне, карас телефонӗсене туртса илнӗ.
Юсанмалли колонире айӑплава ирттерекенсем валли карас телефонӗ илсе кӗртнӗшӗн явап тыттараҫҫӗ. Арҫын та унран пӑрӑнаяс ҫук-тӑр.
Шупашкарта пурӑнакан 37 ҫулти хӗрарӑм тӗнче тетелӗнче арҫынпа паллашнӑ та… укҫасӑр тӑрса юлнӑ.
ШӖМ пӗлтернӗ тӑрӑх, хӗрарӑм ҫав арҫынпа тӗнче тетелӗнче ҫырӑннӑ. Хайхи савни унран банк карточкин реквизичӗсене ыйтнӑ. Хӗрарӑм шухӑшласа тӑмасӑрах даннӑйсене ҫырса янӑ.
Арҫын ҫийӗнчех унӑн карточки ҫинчи укҫана вӑрланӑ. Пӗтӗмпе – 50 пин тенке яхӑн. Хӗрарӑм полицие кайса заявлени ҫырнӑ.
Йӗрке хуралҫисем вӑрӑ йӗрӗ ҫине ӳкнӗ. Вӑл – Тутарстанри пӗр колонире ларакан 28 ҫулти арҫын-мӗн. Вӑрӑ йӗрне тупсан вӑл хӑйех айӑпне йышӑннӑ. Ун тӗлӗшпе пуҫиле ӗҫ пуҫарнӑ.
Шупашкарта пурӑнакан арҫын банк картти тупнӑ та унти укҫана тӑкакланӑ. Хуҫи ҫакна асӑрхасан карточкӑна блокировка тунӑ.
31 ҫулти арҫын тӗлӗшпе пуҫиле ӗҫ пуҫарнӑ. Карточкӑна унӑн пӗлӗшӗ тупнӑ. Ӑна ҫак арҫынна панӑ. Ку вара лавккасене кайса укҫана тӑкакланӑ. Ҫапла майпа вал 6 пин тенкӗ пӗтернӗ. Хуҫи блокировка тусан ҫеҫ карточкӑпа усӑ курайман.
Ун тӗлӗшпе пуҫарнӑ пуҫиле ӗҫе суд пӑхса тухнӑ. Арҫынна 8 уйӑхлӑха юсанмалли колоние ӑсатма йышӑннӑ.
Чӑваш Енре юсанмалли колонисенче ларакансем медицина маскисем ҫӗлеме тытӑнасси пирки пӗлтернӗччӗ. Халӗ ку ӗҫ мӗнле пырать-ха?
Айӑплава пурнӑҫлакан федераци службин Чӑваш Енри управленийӗн ертӳҫи Александр Робота пӗлтернӗ тӑрӑх, маскӑсем ҫӗлемелли пусмана ку эрнере илсе килмелле. Вӑл ҫитсенех айӑпланнӑ ҫынсем ӗҫе пикенӗҫ – медицина маскисем ҫӗлеме пуҫлӗҫ.
Антисептиксемпе дезинфекцилемелли хатӗрсене халӗ туянма пулать-и? Унччен аптекӑсенче шыраса тупма ҫукчӗ, ҫынсем туянса пӗтернӗччӗ. Тӗрӗслев кӑтартнӑ тӑрӑх, вӗсем халӗ аптекӑсенче пур. Вӗсем сахалтан та 11,3 тенкӗ тӑраҫҫӗ.
Сӑмах май, унччен пӗлтернӗ тӑрӑх, айӑпланнӑ ҫынсем ҫӗленӗ маскӑсем аптекӑсенче ку эрнере тухмалла пулнӑ.
Чӑваш Ери пӗр колонире айӑпне каҫарттаракан хӗрарӑма киле отпуска янӑ. Ахальтен мар – ҫитӗнӳсем тунӑшӑн.
Ҫак хӗрарӑм айӑпланнӑ хӗрарӑмсен хушшинче иртнӗ Пӗтӗм Раҫҫейри «А ну-ка девушки» пултарулӑх конкурсӗнче ҫӗнтернӗ. Ҫакӑншӑн ӑна киле 12 кунлӑха яма йышӑннӑ. Хӗрарӑм хӑй Тутарстанран.
Хӗрарӑм патне ашшӗ килнӗ. Тӗлпулура савӑнӑҫ куҫҫулӗсӗр пулман. Ашшӗ хӗрне киле илсе кайнӑ.
Канашра пурӑнакан, ниҫта та ӗҫлемен 27 ҫулти арҫынна суд айӑплӑ тесе йышӑннӑ. Кун пирки РФ Следстви комитечӗн Чӑваш Енри управленийӗн пресс-служби пӗлтерет.
Суд тата следстви палӑртнӑ тӑрӑх, ҫак арҫынна темиҫе преступленишӗн айӑпланӑ. Вӑл тӑван мар икӗ ывӑлне, 9 тата 11 ҫулти ачасене, хӗненине, вӗсен сывлӑхне йывӑр сиен кӳнине палӑртнӑ. Арҫын пӗчӗкскерсене вӗлерессипе те хӑратнӑ. Вӑл арӑмне те хӗненӗ. Ҫитменнине, вӑл ун тӗлӗшпе палӑртнӑ административлӑ надзора пӑхӑнман.
Суд арҫынна ҫирӗп режимлӑ колоние 4,5 ҫуллӑха яма йышӑннӑ. Арӑмӗ халӗ унран уйрӑлма палӑртнӑ.
Ҫӗрпӳри юсанмалли 9-мӗш колонире тимӗр ещӗкре «вӑрттӑн вырӑн» тупнӑ. Вӑл учрежденири промышленноҫ зонинче пулнӑ.
Ещӗке уҫсан унта кӗсье телефонӗсем тупнӑ. Пӗтӗмпе – 39 телефон. Ҫавӑн пекех зарядка тумалли 20 хатӗр, штекерсем, 4 аккумулятор, кабель, наушник пулнӑ. Ку кӑна мар, телефонсемпе пӗрле «Саф-момент» ҫӗпре те пытарнӑ.
Ҫак япаласем колони территорине мӗнле майпа лекнӗ? Следовательсен ҫакна уҫӑмлатма тивӗ. Айӑплава пурнӑҫлакан федераци службин Чӑваш Енри управленийӗн пресс-служби пӗлтернӗ тӑрӑх, кун тӗлӗшпе служба тӗрӗслевӗ пулӗ.
Чӑваш Енри пӗр колони ӗҫченӗ унта ларакан арҫынна тартнӑшӑн явап тытнӑ.
Ӗҫ-пуҫ пӗлтӗр утӑ уйӑхӗн 16-мӗшӗнче пулса иртнӗ. Колони ӗҫченӗпе айӑпланнӑ арҫын ӗҫрен таврӑннӑ. Хайхискер киоска лотерея билечӗ кайса туянма ирӗк ыйтнӑ, лешӗ килӗшнӗ.
Анчах хайхи арҫын тарма шутланӑ-мӗн. Колони ӗҫченӗ ҫумра ҫуккипе усӑ курса вӑл куҫран ҫухалнӑ. Анчах нумайлӑха мар – ӑна тепӗр кунхинех тытса чарнӑ. Колони ӗҫченне вара куншӑн лекнӗ - ӑна 120 сехет ӗҫлеттерме йышӑннӑ.
Палӑртмалла: айӑпланакан ҫак ҫын колонирен унччен те тарнӑ. Халӗ унӑн ҫирӗп режимлӑ колонире 4 ҫул те 8 уйӑх ларма тивӗ.
Паян Шупашкарти Ленин районӗн прокуратури ЧР экономика министрӗ пулнӑ Владимир Аврелькин тӗлӗшпе приговор вуланӑ. Унпа пӗрле пӗр шухӑшлӑ пулнӑ Сергей Анисимов («Тасатакан биологи сооруженийӗн» экс-директорӗ) тата «Ордер» тулли мар яваплӑ общество директорӗ Ольга Филиппова та суд сакки ҫине ларнӑ.
Судья Владимир Аврелькина пӗтӗмӗшле режимлӑ колоние 4,5 ҫуллӑха яма йышӑннӑ. Унӑн кунсӑр пуҫне 3 ҫул патшалӑх тата муниципалитет службинче должноҫ йышӑнма юрамӗ. Анисимовпа Филипповӑна пӗтӗмӗшле режимлӑ колоние 3,5 ҫуллӑха ӑсатнӑ.
Палӑртмалла: прокурор Аврелькина колоние 6,5 ҫуллӑха ӑсатма, 500 пин тенкелӗх штрафлама ыйтнӑ.
+18.2 °C