АПТРАМАНИСТАН
гимн
Хӗвел пӑхать, ҫиҫсе вылять шевле,
Вӗрет сипетлӗ варкӑш каҫӑн-ирӗн;
Канашласа кашлать парка вӑрман,
Уй-хир сасси кӗрет кашни киле.
Ӑҫта-ши ку тавралӑх? — Ку вӑл — пирӗн
Чӑваш ҫӗршывӗ, Аптраманистан!
Тӳсӗмлӗхпе тӗлӗнтерен чӗлхен
Витӗмлӗхне кунта куллен туятпӑр.
Хӑвачӗ унӑн иксӗлмӗ нихҫан!
Эпир ӗмӗртенпе, ӗмӗрлӗхе
Ҫак аслӑ Атӑл тӑршшӗнче пурнатпӑр.
Чӑваш ҫӗршывӗ — Аптраманистан!
Килет пулин те терт ҫине нуша,
Малашлӑхӗ тивлетлӗ тӗп чӑвашӑн:
Нихҫан та пирӗн халах аптраман.
Малалла...
+11.3 °C
