Атликасси — Етӗрне районӗн ялӗ, Мӑн Шемертен ял тӑрӑхне кӗрет.

Урамсем: Мир, Туслӑх, Ҫамрӑклӑх.

Тавралӑх

Ҫывӑхри ялсем

• Автанҫырми (Янгиреево)
• Аптӑшкасси
• Кӑкшӑм
• Кӗҫен Шемертен
• Палтай
• Пӗрҫырлан
• Чурпай

Ял историйӗ

1927 ҫулта районсене туса хуриччен ял Етӗрне уесӗн Палтай вулӑсне кӗнӗ.
1927 ҫулхи юпан 1-мӗшӗнче Атликасси Етӗрне районне кӗме пуҫланӑ. Халӗ те ҫав районтах шутланать.

Чи малтан ял совечӗ Палтайра пулнӑ. 1960 ҫулхи нарӑсӑн 27-мӗшӗнче ял совечӗ Пӗрҫырлана куҫнӑ. Уйӑхран, пушӑн 28-мӗшӗнче яла Мӑн Сӗнтӗр ял советне куҫарнӑ. 1973 ҫулхи пушӑн 29-мӗшӗнчен пуҫласа ял совечӗ Мӑн Шемертенре.

Халӑх йышӗ

2006 ҫул пуҫламӑшӗ тӗлне ялта пурӗ 287 ҫын пурӑннӑ: 137 арҫын, 150 хӗрарӑм.

Ҫул-йӗр

Ял хӗррипе Р-231 ҫул иртет.

Каҫӑсем

• Мӑн Шеметрен ял тӑрӑхӗн сайчӗ