Суд приставӗсен архивӗнчи сӑн

Канашра пурӑнакан 38 ҫулти арҫын хӑйӗн кил картишӗнче видеокамера вырнаҫтарнӑ. Пӗр камери кӳршисен пахчине те сӑнанӑ. Ҫакӑ кӳршисен суда ҫитмелли сӑлтав пулнӑ.

Вӗсем ӑнлантарнӑ тӑрӑх, видеокамера сӑнани такамсем, ют ҫынсем, пӑхнипе танах. Пристав камера хуҫине суд йышӑнӑвӗпе паллаштарнӑ хыҫҫӑн та нимӗн те улшӑнман. Ун тӗлӗшпе исполнительнӑй сбор 5 пин тенкӗ илессине пӗлтерсен тин вӑл видеокамерӑна урӑх вырӑна куҫарнӑ.

#Канаш, #судсем