Паян Хусанта пысӑк инкек пулнӑ. Унта 175-мӗш гимназире шкул ачисене тата вӗрентекене персе вӗлернӗ. Официаллӑ даннӑйсене ӗненес тӗк, пӑшаллӑ ҫамрӑк 9 ҫынна вӗлернӗ, вӗсенчен 7-шӗ – ачасем.

Ҫынсене вӗлернӗ Ильназ Галявиева тытса чарнӑ. Йӗрке хуралҫисем шкула штурмланӑ. Ачасен прависене хӳтӗлекен уполномоченнӑй Анна Кузнецова пӗлтернӗ тӑрӑх, шкулта бомба пулнӑ. Ҫавна май унта сирпӗнӳ пулнӑ. Ун чухне ҫынсем шар курман, шкулӑн пӗрремӗш хучӗ ишӗлнӗ.

Пысӑк инкеке кура ыран, ҫу уйӑхӗн 11-мӗшӗнче, Хусанта хурлӑхлӑ кун пулӗ. Следстви комитечӗ пуҫиле ӗҫ пуҫарнӑ.

#Хусан, #пӑтӑрмахсем, #шкулсем