2019 ҫулта Чӑваш Енре ялсенче вырнаҫнӑ 30 шкулта спортзала юсӗҫ. Ку тӗллевпе федераци хыснинчен - 28,2 миллион тенкӗ, республика хыснинчен 902 пин тенкӗ уйӑрнӑ. Ку ӗҫе муниципалитетсем те тӳпе хывӗҫ.

Улатӑр, Патӑрьел, Элӗк, Ҫӗрпӳ, Муркаш, Шӑмӑршӑ, Шупашкар, Тӑвай районӗнсенче икшер шкула юсаса ҫӗнетӗҫ. Вӑрнар, Йӗпреҫ, Красноармейски, Комсомольски, Сӗнтӗрвӑрри, Пӑрачкав, Елчӗк тата Вӑрмар районӗсенче пӗрер шкул валли укҫа уйӑрнӑ. Канаш тата Етӗрне районӗсем чи телейлисем – вӗсенче виҫшер спортзал ҫӗнелӗ.

Палӑртмалла: Чӑваш Енре юлашки 5 ҫулта 150 шкулта юсав ӗҫӗсем ирттернӗ. Хальлӗхе вӗренӳ учрежденийӗсен 7 проценчӗ вуҫех те спортзалсӑр.

#вӗренӳ, #хысна, #укҫа-тенкӗ, #Красноармейски районӗ, #Комсомольски районӗ, #Сӗнтӗрвӑрри районӗ, #Пӑрачкав районӗ, #Елчӗк районӗ, #Вӑрмар районӗ, #Етӗрне районӗ, #Йӗпреҫ районӗ, #Вӑрнар районӗ, #Шупашкар районӗ, #Тӑвай районӗ, #Канаш районӗ, #Улатӑр районӗ, #Патӑрьел районӗ, #Элӗк районӗ, #Ҫӗрпӳ районӗ, #Муркаш районӗ, #Шӑмӑршӑ районӗ, #шкулсем