Вӑрман касакансен республика шайӗнчи конкурсне вӗҫӗмех хутшӑнакан Артем Шашков кӑҫал Чехинче иртнӗ тӗнче шайӗнчи ӑмӑртура мала тухнӑ. Бензопӑчкӑпа ӗҫлекенсем унта тренировка мелӗпе ирттернӗ ӑмӑртура тупӑшнӑ. Каярах вӗсем Норвегинчи ӑмӑртӑва кайӗҫ.

«Вӑрман касакан – 2017» Раҫҫей чемпионатӗнче пирӗн ентешӗмӗр пӗлтӗр тӑватӑ медаль ҫӗнсе илнӗччӗ. Чӑваш Ен команди тӗрлӗ номинацире призлӑ тӑхӑр вырӑн йышӑннӑччӗ. Ушкӑнпа вӗсем иккӗмӗш вырӑна ҫӗннӗччӗ.

Вӑрман касас ӗҫре Артем Шишков вун пилӗк ҫул вӑй хурать. Хӑй вӑл — Йӑлӑмран. Унӑн ашшӗ те вӑрманҫӑ пулнӑ. Хӑй каланӑ тӑрӑх, вӑл аслин ҫулӗпе кайма шухӑшланӑ. Арҫын журналистсене каланӑ тарӑх, унӑн ывӑлӗ Леня та аслашшӗпе ашшӗн ҫулне малалла тӑсас шухӑшлӑ.

#Норвеги, #Чехи, #конкурссем, #ачасем