Ҫӳҫ


Кĕмĕлленчĕ çӳçĕм


Кĕмĕлленчĕ çӳçĕм, кĕмĕлленчĕ,

Ĕмĕр иртет шутсăр васкаса.

Пурăннă кун-çулăм маншăн — ĕнчĕ,

Вăл çурхи шыв евĕр — тап-таса.

 

Этем ĕренкинчен тухса курмарăм,

Ĕренкелĕх маншăн — тĕп саккун.

Таса шăнкăр! çăлкуçа сурмарăм —

Çавăнпа таса пуль манăн чун.

 

Хисепе укçалла туянаймăн,

Ĕмĕр пухнă мул вăл — ырă ят.

Кĕмĕлленчĕ çӳçĕм, пытараймăн,

Вăл та ман пуянлăх. Йăлтăрать…

Анатолий Ырьят | Сăвă | ҫӳҫ | 375