Тавни


«Çеçкеленет хитре чечек...»


Çеçкеленет хитре чечек

Çӳл ту хысакĕнче.

Чипер пике кулли пекех

Тӳпе ытамĕнче.

 

Çут уйăх каçхине ăна

Савать савни тесе.

Çут çăлтăрсем çӳлтен ăна

Пăхаççĕ куç хĕссе.

 

Эс мар-ши, тусăм, çав чечек?

Кĕтетĕп эп сана.

Килме пăрахрăн эс текех,

Манасшăн-шим мана.

 

Çанталăк шăрах. Ту çинче

Чечек типсе хăрать.

Çав чечек евĕр пĕр-пĕччен

Савни таçта ларать.

 

Аветик Исаакян

Юхма Мишши | Куçару | Аветик Исаакян | тавни | чечек | 388