Мăлатук

Петюкпа мăлатук

Тук, тук, тук!

Иртенпех шаккать Петюк.

Каскалать те çапкалать —

Çĕнĕ пӳрт ӳссе ларать.

Тук, тук, тук!

Тук, тук, тук! ,

Туклатать çеç мăлатук.

Ĕшенмесĕр ăсталать —

Çĕн гараж кирлĕ пулать.

Тук, тук, тук!

Тăрмашать кăна Петюк.

Тук, тук, тук!

Пӳрнене

Çатлаттарчĕ мăлатук.

— У-у-у! — йĕрет Петюк,

— Ма усал эс, мăлатук,

Туклатмашкăн кăмăл çук.

Туклатмасть халь мăлатук,

Туклатмашкăн кăмăл çук.

— Эс мана тытма вĕрен —

Кун пек пулмĕ ӳлĕмрен!..

Тук, тук, тук!

Ĕç пуçлать каллех Петюк.