«Кăвак кантăк куçне йĕпетсе...»

Марина Карягина | Сăвă | 1991 | ҫумӑр | 570


Кăвак кантăк куçне йĕпетсе,

Шĕпĕр-шĕпĕр саспа çуса иртрĕ вĕт çумăр.

Мĕн тăран тĕнчерен тĕлĕнсе? —

Çумăрсем кĕрсерен чарăнмасăр та çунă.

 

Пĕр самант манăçам-и йăлтах

Шурă юр шуррине асăма илеймесĕр.

Çав хĕле астăватăп, паллах...

Иртнĕ кун йӳççинчен мĕн упратăн халь эсĕ?

 

Халлĕхе эп никамăн та мар.

(Нихăçан та, ниçта та, никамăн та пулмăп),

Эсĕ тар ман патран, эсĕ тар!

Чи ачаш куллăмпа унчченех эп йăл кулнă.

 

Çĕр каçасчĕ пĕччен чăтлăхра,

Тен, ун чух ыйхăри вăрмана ăнланаттăм.

Мана тăвăр кун пек хăтлăхра!

Илсе кай... Эп пыратăп санпа... тамăка та...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: