«Ют çĕрте, хут тĕркийĕ çинче...»

Геннадий Айхи | Сăвă | 1958 | 481


Ют çĕрте, хут тĕркийĕ çинче

Аллăмсем ватăлаççĕ хуллен.

Ют çынсем ман анне килĕнче

Халь мана «таркăн» теççĕ иккен.

 

Питĕрти сивĕ чул палăксем

Чул сăмах каламарĕç мана.

Ютлăхра ютăма туйнăçем

Çывăхрах эп туятăп чуна.

 

Хăвна ху лутăркарăн пĕлсе,

Чун-чĕре Квазимоди! Пĕр ир,

Çынсенчен уйрăлса хурăнсен

Мăйĕнчен уртăнатпăр эпир.

 

Эх, ан ятлăр! — телейсĕр çынсем

Çĕр çинче тупăнман-ха, тăван!

Çĕр чунне юратса илешсен

Çын чунне çухатма та аван.

 

1958, Ленинград

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем