Ют çĕрте, хут тĕркийĕ çинче
Аллăмсем ватăлаççĕ хуллен.
Ют çынсем ман анне килĕнче
Халь мана «таркăн» теççĕ иккен.
Питĕрти сивĕ чул палăксем
Чул сăмах каламарĕç мана.
Ютлăхра ютăма туйнăçем
Çывăхрах эп туятăп чуна.
Хăвна ху лутăркарăн пĕлсе,
Чун-чĕре Квазимоди! Пĕр ир,
Çынсенчен уйрăлса хурăнсен
Мăйĕнчен уртăнатпăр эпир.
Эх, ан ятлăр! — телейсĕр çынсем
Çĕр çинче тупăнман-ха, тăван!
Çĕр чунне юратса илешсен
Çын чунне çухатма та аван.
1958, Ленинград