«Ирех çӳретĕп пĕр-пĕччен...»

Виталий Станьял | Сăвă | 1995 | Стерле | 357


Ирех çӳретĕп пĕр-пĕччен,

Ят-сумсăр туртăм...

Стерле хули урамĕнче

Тирек те хурăн.

Çак йывăçсен ытамĕнче

Чуна кăшт кăтăш.

Стерле хули урамĕнче

Тирек те чăрăш.

Тĕтре нумай хула çинче,

Вĕçет пек хăрăм.

Вĕçсен вĕçин! Стерле енче

Ункайлă вырăн.

Хурăнсарсен ик енĕпе

Тирек те чăрăш...

Хура çилсен тусанĕпе

Ан витĕн. Тăрăш!

 

1995, раштав, 1.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: