Туссем

Аркадий Русаков | Сăвă | 636


Ах, эпир аплаччĕ,

Ах, эпир каплаччĕ,

Ах, пурăнаканччĕ

Çамрăк вăхăтра.

Туслăн çӳрекенччĕ,

Çĕр çĕмĕрекенччĕ,

Чул тĕпретекенччĕ

Эпĕр пурнăçра.

Ах, юратаканччĕ,

Ах, ыталаканччĕ,

Ах, чуп тăваканччĕ

Çамрăк хĕрсене!

Кун-çулсем иртсессĕн,

Вăхăтсем çитсессĕн,

Саланса пĕтсессĕн

Тĕрлĕ çĕрсене,

Пĕр-пĕрне курмастпăр,

Туслă пурăнмастпăр,

Тĕплĕн калаçмастпăр,

Хаклă тусăмсем.

Халь ăçта çӳретĕр,

Еплерех ĕçлетĕр,

Мĕн çĕмĕрттеретĕр,

Ман юлташăмсем?

Ах, пуçтарăнасчĕ,

Кĕреке пухасчĕ,

Юрă шăратасчĕ,

Тусăмсем, пĕрре!

Эпĕр пухăнсассăн,

Пĕр-пĕрне курсассăн,

Хăвăрттăн, хавассăн

Тапĕ ман чĕре.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем