Чĕнет ĕмĕт1

Чĕнет ĕмĕт

Уçланкăра çурнă çĕмĕрт

Шурă-шурă çеçкине.

Ман чунăма çурхи ĕмĕт

Чĕнет инçет çĕрсене.

Хушса юрламалли:

Çулсем-йĕрсем пит нумай:

Пĕччен аташса ан кай.

Пĕрне-при юратсан,

Çухалмастăн нихăçан.

Мана алăран эс тытрăн,

Чăмăртарăн эс ăна.

«Юрататни?» — тесе ыйтрăм.

Хуравларăн: «Тахçанах».

Акă, иккĕн васкамасăр

Халь утатпăр çулпалан.

Ятлаçмасăр, тулашмасăр

Пурăнар эпир ялан.