Паянхи пурăнăç

Екатерина Майкова | Сăвă | 2011 | ачасен пултарулăхĕ | Ачалăх урамĕ | 644


Мĕн чухлĕ тискерлĕх, мĕн чул курайманлăх

Упрать пуль этемлĕх тени.

Ăçта-ши вăл туслăх, ăçта-ши тăванлăх,

Ăçта пĕр-пĕрне юратни?

 

Мĕн чул кĕвĕçӳлĕх, мĕн чул ăнланманлăх,

Кӳрше, çич юта ылханни.

Паян тĕнчене кисретет çав пуянлăх,

Çынна куç хупса ал сулни.

 

Мĕн чул икĕпитлĕх, мĕн чухлĕ усаллăх,

Тăван тăванпа харкашни.

Ăçта-ши вăл чăнлăх? Ăçта ăнланулăх,

Пĕри теприне ал тăсни?

 

Камран кĕвĕçетпĕр, камран пит кулатпăр

Манса йăх-яхри тымара?

Кун пек малашне хамăрах вут хуратпăр

Хуранăн айне тамăкра.

 

Хăçан çынсене ÇЫН тесех хисеплетпĕр

Сăмса каçăртма чарăнса?

Хăçан-ши, хăçан чăнлăха тинкеретпĕр

Куçран вăтананмасăр пăхса?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: