Кивĕ сăнӳкерчĕк

Вячеслав Круглов | Сăвă | 483


Çĕмĕрт шурă чечекреччĕ,

Эс те, эп те çирĕмреччĕ.

Хыçа юлчĕ çамрăк вăхăт,

Вĕçсе иртрĕ питĕ хăвăрт.

 

Çамрăклăх — чечек çеçкиллĕ

Асăма çаплах-ши килĕ?

Илĕртӳллĕ ун çути,

Илемпийĕн нар тути.

 

Ăшă-ăшă йăлтăр кулă

Асăнмалăх пулса юлтăн.

Эс çаплах куçран пăхатăн,

Чĕреме пĕр пăлхататăн.

 

Аллăмри кив сăнӳкерчĕк,

Çумăр хыççăнхи кӳленчĕк.

Иртнине аса илтерчĕ,

Ман пата илсе çитерчĕ.

 

Илемпи, ăçта эс халĕ?

Кам мана ун пирки калĕ.

Шырăп ĕмĕрех сана,

Чечек евĕр ыр сăнна.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: