Тинĕсре
Тинĕс, кала-ха мана:
Эс хумусен айĕнче
Ĕнтĕ мĕн чухлĕ çынна
Урăх кăтартрăн тĕнче?
Манăн çав чĕмсĕр йыша
Пач та кĕрес шутăм çук.
Çирĕм çулхи шухăша
Ан лапчăт эс, мăлатук.
Тинĕс — ялти пĕве мар,
Вăл — улăпла çăпала:
Тек пăтратать васкавар,
Тек пăтранать хăй çапла.
Тен, кăларасшăн ăсса
Вăл ылтăн пулă пĕрре?
Тен, çут-кĕрен парăса
Вăл кăтартасшăн пире?
Илĕртмĕше ан ĕнен,
Ан çывăхлан унпала:
Е мĕкĕрет вăл ĕнен,
Е ӳхĕрет упалла...
Эй, аслă шыв, ăçталла
Халĕ карапăн шăвас?
Эсĕ пин-пин Атăла
Шăнăçтарма та хавас.
Ĕлĕк каланă пĕри,
Петĕр патша ятлăскер:
Тинĕс — тĕнче кĕперри,
Çӳрĕр ун тăрăх чипер.
Эччĕ те çав, çамрăка
Мĕншĕн ытла хĕн кӳрес?
Тинĕс — е хăтлă сăпка,
Е — шутсăр йывăр хĕрес.
Тинĕс, куççуль те пайтах,
Хăсăк та, юн — сан çинче,
Пурпĕр санран тасарах
Вырăн туман-ха тĕнче.
Юратмалли пур чухне
Тарăхтарма эс хастар,
Тарăхаканĕн чунне
Эс çав-çавах юраттар.
Эй, тинĕсри çын шăпи!
Тӳсĕмлисен тӳсмелле...
Ӳкĕп-и, йынăшăп-и,
Куçăм — çыран еннелле.
Шухăшсем
Hoping to boost your website’s vi...
Discover how our AI can skyrocket your C...
Наш квалифицированный военный юрист всег...
Need more clicks and conversions for Chu...
Our AI-powered traffic solution delivers...
Ready to drive targeted visitors to your...
Hello everyone, if you are interested i...
Aiming to ignite your website’s p...
Опытные эксперты предоставят вам полную ...
Аван ...