Электронлă вулавăш

Тимофей Терентьевич Терентьев 1890 çулхи утă уйăхĕн 15-мĕшĕнче Хусан кĕпернин Çĕрпӳ уесĕнчи (халĕ ЧР Тăвай районĕ) Тенеялĕнче вăтам хресчен кил-йышĕнче çуралнă. 1903 çулччен ялти пуçламăщ класра пĕлӳ илнĕ, 1908-1910 çулсенче Ишекри икĕ класлă шкулта вĕреннĕ, кайран Хусанти учительсем хатĕрлекен семинарире экстерн йĕркипе экзамен тытса вĕрентекен ятне илнĕ. Пурнăçне вăл учительте ĕçлесе ирттерет, 1921-1923 çулсенче Тăвай вулăс çутĕç пайне тата вулăс ĕçтăвкомне ертсе пырать. Çутĕçĕнче нумай вăй хунăшăн ăна 1949 çулта «Ĕçлĕх Хĕрле Ялав» орденĕ паиă.

Т.Терентьев хăй сăввисене ытларах 1910-1912 çулсенче çырнă. Вăл фольклорпа этнографи материалĕ чылай пухса хăварнă.