Рита Арти


Рита Арти (Маргарита Михайловна Ильина) Элĕк районенчи Шураç ялĕнче çуралса ӳснĕ. Тавăтри вăтам шкулта вĕреннĕ чухнех хĕрача районти «Ленин çулĕпе» хаçатпа çыхăну тытнă. Çакă унăн малашлăхне палăртнă та темелле: вăл журналистика профессине суйласа илнĕ. И.Н.Ульянов ячĕллĕ Чаваш патшалăх университетĕнче ăс пухнă хыççăн «Филолог. Чăваш чĕлхипе литератури учителĕ. Журналист» тесе çырнă диплома алла илнĕ. Пĕр вăхăт Шупашкар ачисене чăваш чĕлхи вĕрентнĕ. Çав вăхăтрах республикăри хаçат-журналта унăн хайлавĕсем пичетленнĕ, чăваш телевиденийĕнче кăларăмсем хатĕрленĕ. «Хыпар» хаçатра, «Çамрăксен хăçатĕнче» корреспондентра вăй хунă. Халĕ «Чăваш хĕрарăмĕн» редакторĕнче ĕçлет.

Çыравçă икĕ кĕнеке кăларнă: «Савнă ялăм ман Шураç», «Алтăр çăлтăрпа тулсассăн».

Р.Арти Раççей журналисчĕсен тата Чăваш писателĕсен союзĕсен членĕ.


Хайлавĕсем