Килтеш вăрманĕ каш-каш кашлать,
Килтеш вăрманĕнче кашкăр ами улать.
Кашкăр ами хăй аçине кĕтет.
Пĕччен юлассинчен вăл шикленет.
Питтукасси тем тĕрлĕ пăлханать,
Питтукасси çын сассипе тулать.
Пит хурланса Олюна макăрать,
Хăй савнине, Охатере кĕтет.
"Охатерĕм, савнă мăшăрăм,
Мĕншĕн кайрăн эс Шупашкара.
Шупашкарăн çурчĕсем шурă чуллă,
Çыннисем вара ытла та хура чунлă.
Вĕсем шурра кураççĕ хура пек,
Хурана кураççĕ шурă пек.
Вĕсемпе калаçни усси çук,
Вĕсемпе хирĕçни усси çук.
Охатерĕм, савнă мăшăрăм,
Уйăх иртрĕ эсĕ кайни аçу килĕнчен.
Мĕншĕн каялла килместĕн, Охатерĕм.
Мĕншĕн шутламастăн ман çинчен.
Амăрткайăк ами пулса вĕçсе пырăттăм,
Кашкăр ами пулса чупса пырăттăм,
Эсĕ ăçта иккенне пĕлсессĕн,
Эсĕ мана кĕтнине пĕлсессĕн."
Килтеш вăрманĕ каш та каш кашлать,
Килтеш вăрманĕнче кашкăр ами улать.
Кашкăр аçи ами патне васкать,
Охатер çеç Олюна патне пыраймасть.
Шухăшсем
Ready to drive targeted visitors to your...
Attract precise, keyword-driven traffic ...
Attract more leads for your chuvash...
Подробную информацию о процедуре получен...
Not getting enough leads for Chuvash Org...
Capture additional leads for your chuvas...
Our AI-driven solution sends high-qualit...
Подробную информацию о процессе получени...
Аван ...
кайăксем чăнахта лайăх чĕр - чунсем