Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ҫын валли шӑтӑк ан алт, хӑвах кӗрсе ӳкӗн.
[ваттисен сӑмахӗ]
 

Тимӗр Акташ: Ентешӗн юбилейлӑ выставки

Тимӗр Акташ28.06.2018 21:376720 хут пӑхнӑ

Чӑваш Республикинчи Ҫӗнӗ Шупашкарти художествӑллӑ музейӗнче ҫак кунсенче Чӑваш художниксен пӗрлӗхӗн членӗ Виктор Артемьевӑн юбилейлӑ выставка уҫӑлнӑ.

Артемьев 1958-мӗш ҫулхи ҫӗртме (июнь) уйӑхӗн 20-мӗшӗнче ТАССР Аксу районӗнчи Фёдоровский посёлокӗнче ҫуралнӑ. ТАССР Лениногорск хулари педучилищин художествӑллӑ уйрӑмне пӗтернӗ. Ҫар хыҫҫӑн Мускаври искусствӑсен университетне пӗтернӗ.

Чӑваш Республикин Ҫӗнӗ Шупашкар хулине пурӑнма куҫнӑ. ГЭСстрой предприятийӗнче, ЧПО «Химпромӑн» ОРС, Троллейбус управленийӗнче художник-оформитель пулса ӗҫленӗ. Халь шкулта учитель пулса ӗҫлет.

Пушӑ вӑхӑтра, паллах, художник этюдсене, картинӑсене ӳкерет. Уҫӑ вырӑнта пленэрӗнче тӑван ялта, Чӑваш Енче, хулара та, пейзажсене, ытларахӑш хитре ҫутҫанталӑк пейзажсене калӑплать. 2016-мӗш ҫулта ЧР халӑх художникпа Шупашкарта пурӑнакан Николай Енилинпа (вӑл ТР Пӑва районӗнчи Рункӑ ялӗнчен) пӗрле Самар облаҫӗн Атӑлӑн сылтӑм енчи Шигон районӗнчи чӑваш ялсенче те пленэрӗнче ӗҫлерӗҫ.

Артемьев Ҫӗнӗ Шупашкарта кӑна мар Шупашкарти выставкисенче те хастар хутшӑнать. 2016-мӗш ҫулта тӑван ялта та выставкана тунӑ.

Юбилейлӑ выставкӑна уҫма Ҫӗнӗ Шупашкара Аксу районӗнчи Фёдоровский, Кисы ялсенчен, Чистай хулинчен — тӑванӗсем, ентешсем те хӑнана килчӗҫ. Вӗсем юбиляра саламларӗҫ, ӑшӑ сӑмахсем каларӗҫ.

Вернисаж Ҫӗнӗ Шупашкарти музейӑн директорӗн ҫумӗ, ЧР тава тивӗҫлӗ художник Александр Ильин уҫнӑ, Артемьевӑна ӑшшӑн саламларӗ.

Николай Енилин юбиляра ҫӗнӗ картина ӳкерме рамка парнелерӗ.

— Виктор Артемьев — художник кӑна мар, вӑл тӑван чӗлхепе прозӑллӑ очерк та ҫырнӑ, — терӗ ентеш-журналист, историк Владимир Долгов. — Вӑл чӑваш илемлӗ литература произведенийӗсене вулама юратать. Ҫакна шута илсе эпӗ юбиляра ЧР халӑх поэчӗн Валери Туркайӑн виҫӗ кӗнекене, унӑн автографсемпе парнелетӗп.

Тата тепӗр пирӗн ентеш — Аксу районӗнчи Таркӑн ялӗнче ҫуралнӑ, халӗ Шупашкарта пурӑнакан ҫыравҫӑ-афганец Анатолий Хмыт (Ефимов) хӑвӑн чаплӑ икӗ кӗнекеллӗ роман «Леш тӗнчерен» (Шупашкар, 2011) парнелесшӗн.

Анатолий Хмыт СССР — Афганистанри вӑрҫӑ (1979-1989) ҫинчен мӗнле ҫырнӑ роман ҫинчен каласа пачӗ. Ҫурри произведенийӗ Аксу тӑрӑхӗн чӑваш ялсенче, Чистай хулинче мӗнле пулса иртни ҫинчен кӑтартать.

Чӑваш журналист Илле Иванов Артмемьевӑна Самар облаҫӗнчи Шигон районӗнчи чӑвашсен наципе-культура автономийӗн ярса панӑ Тав хучӗпе чысланӑ.

Вернисажра сӑвӑсем те вуларӗҫ, нумай салам сӑмахӗсем те каларӗҫ.

Юбиляр та, унӑн тӑван хӗрӗ Алёна визажист те хӑнасене тав турӗҫ.

Фуршет хыҫҫӑн юбиляр хӑнасене автобуспа Атӑл хӗрринчи пӗр кафене илсе кайрӗ. Унта вӗсем валли вырӑнти вокаллӑ-инструменталлӑ ансамбль паллӑ хитре юрӑсене шӑрантарнӑ.

 

Тимӗр Акташ.

Шупашкар хули, 2018. Июнь уйӑхӗн 27-мӗшӗ

Фотосӑнра: Ҫӗнӗ Шупашкарти художествӑллӑ музейӗнчи Виктор Артемьевӑн (вӑл пӗрремӗш ретре) вернисажӗнче. 2018-мӗш ҫулхи июнь уйӑхӗн 20-мӗшӗ. Фото авторӑн.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментари:

Agabazar // 2212.13.3858
2018.07.10 18:58
Agabazar
Аксусен тепĕр ентешĕ Дина Садикова епле пурăнать?
Хамăр ял // 2266.7.7219
2018.07.14 00:04
Вăл, элле, Шупашкартан тахçан куççа кайнă пуль.
Agabazar // 3530.76.9239
2018.07.19 06:31
Agabazar
Ку шухӑша хуратнӑ. Сӑлтавӗ: Дубль
Agabazar // 3530.76.9239
2018.07.19 06:31
Agabazar
Шел, Дина Садикована чăваш халăхĕшĕн усăллă ĕçсем тумашкăн тÿр килмерĕ.
Agabazar // 1441.48.8792
2018.07.21 12:35
Agabazar
Халĕ акă культура министăрлăхĕнче Аксу тавраш çынни тĕрмешет. Чăваш халахĕшĕн усăллă ĕçсем тума тÿр килĕ-ши ăна?
Agabazar // 3879.83.8290
2018.07.22 03:04
Agabazar
Ентешĕн юбилейла куравĕ уçăлнă.
Agabazar // 3879.83.8290
2018.07.22 03:04
Agabazar
Ку шухӑша хуратнӑ. Сӑлтавӗ: дубль
Agabazar // 2205.16.4177
2018.07.28 09:07
Agabazar
Ÿнер тĕлĕшпе аксусен "чи паллă" ентешĕ — искусствоведени докторĕ Алексей Трофимов.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем